Mundo Poster

Buscando a inspiración para o deseño dun poster para o meu proxecto de master...por buscar que non sexa!

Espero que Picasso tivese razón cando dixo que "a inspiración debe atoparte traballando".

Conrad Roset e as súas musas

   Conrad Roset é un ilustrador catalán que se inspira nas antigas musas gregas para a creación da maioría das súas obras.


Aínda que na súa web se presenta dunha maneira moi austera, cun parco 


"Hello, I'm Conrad Roset, freelance illustrator from Barcelona, Spain.
Currently work on a rage of projects for advertisement agencies, design studios and editorials
Also I'm a professor of illustration in the school of design BAU."

   se comezamos a investigar os seus traballos, veremos pezas para Adidas, Zara, Coca-Cola, Contrapunto, Caixa Forum, Hommu,  etc, etc, etc...

Deseño packaging Cruzcampo

Ilustración para camiseta de Zara

Gráfica para Adidas, con TBWA

   Pero, sen dúbida, o que máis chama a atención da súa obra son os debuxos das súas musas, realizados a centos: 

Aplicación como vinilo, en Hommu.

Oasis Loves U, vídeo promocional para o Hotel Oasis.

Ana Juan & New York

   Ana Juan é unha ilustradora que cando se licenciou en Belas Artes, alá por 1982, comezou a colaborar con revistas como La Luna de Madrid e Madriz, debuxando historietas en branco e negro cun certo aire expresionista.
   O seu salto á fama chegou en 1995, cando lle encargaron a súa primeira portada da revista The New Yorker. 

  Esta valenciana, que en 2010 recibiu o Premio Nacional de Ilustración, xa leva 18 portadas publicadas, superando así a outros mitos como Mariscal ou Max. 

   Portada para o 10º aniversario do 11-S, moi similar á que fixera en 2001 Art Spiegelman (autor de Maus), que foi toda unha lección de sobriedade e deseño.

  Pese a todos estes recoñecementos, Ana Juan segue vivindo en Madrid, onde ten o seu propio estudo de deseño e ilustración, e afirma que ten colgadas as 18 portadas desta publicación no seu baño...