Carreiras de coches en Times Square

   A concurrida Times Square de NY converteuse no escenario idóneo para que a marca de coches Hyndai realizara unha tremenda campaña mediante carteis interactivos.


   As regras eran simples: se querías xogar tiñas que ter un iPhone e descargarte unha aplicación de Hyndai; mediante a cal controlabas un coche de carreiras á vez que o percorrido se estaba proxectando nunha das xigantescas pantallas.


   Steve Shannon, vicepresidente de marketing, declaraba: " ter unha pantalla en Times Square crea conciencia entre os consumidores a través dos elementos gráficos creativos. O xogo eleva o nive de participación dos consumidores, convidándoos a interactuar nos escenarios máis céntricos do mundo".

Podes ver o vídeo aquí.

Absolut Purity

   A publicidade do vodka Absolut sempre é innovadora e evocadora, pero esta última campaña é espectacular. O artista alemán Simon Schubert baseouse na pureza do branco para crear esta nova edición limitada.
   Doblando unha simple folla de papel, Schubert consegue un impresionante xogo de luces e sombras que suxiren a botella de vodka vista dende distintos ángulos.
   Simple e impresionante!

Bo Nadal

Zocas Novas chega á Coruña

   Zocas Novas é un proxecto levado a cabo pola asociación Creatividade Galega, coa que se quere dar a coñecer a actividade creativa galega.

   O exercicio era moi simple: unhas zocas de madeira, pintura, inxenio e moito humor. O resultado: 50 pares de zocas "tuneadas" que mostran a creatividade e retranca galega ó 100%.

Nesta iniciativa participaron axencias e estudos galegos, como por exemplo Imaxe, Zumo Estudio, BAP&Conde, Fusion, Ovo Publicidade, Canal 1, Empatía e moitas máis.

   Despois dun longo percorrido por Madrid, Ourense, Vigo e Pontevedra, esta exposición itinerante chega hoxe á Coruña, onde se pode visitar ata o 4 de xaneiro na Fundación Paideia Galiza.

  O 4 de xaneiro, os 50 pares de zocas serán subastados con fins benéficos, pero mentres tanto, animádevos a ver 50 ideas creativas plasmadas en 50 pares de zocas de madeira.

Oído Cocina!

Velaquí algunhas partes do meu proxecto para a materia de Deseño Gráfico: un libreto sobre unha receita:

Pódelo ver todo aquí.

As Lego-noticias

   O diario británico The Guardian acaba de publicar unha galería na que recrea a través do mítico xogo do Lego as noticias máis importantes do 2011. Velaquí uns exemplos: 

Boda Real británica

Os indignados de Wall Street

Packaging navideño

   Nestas datas tan sinaladas, tanto polas festas como polo auxe do consumo, ás marcas non lles queda outra que facer ós seus produtos máis atractivos. Velaquí unha selección de packaging navideño, para ir abrindo boca...

Itunes & The beatles

   Hoxe deuse a coñecer que Apple lanza un novo catálogo dos Beatles en iTunes para estas datas tan sinaladas. En 2010 a gran mazá conseguiu chegar a un acordo coa discográfica EMI para que algúns albumes do grupo inglés estivesen en Itunes e os resultados foron impresionantes: na primeira semana descargáronse 450.000 albumes e 2 millóns de cancións.

   Para publicitar o novo catálogo de iTunes, a axencia TBWA \ Media Arts Lab elaborou un spot baseado nas portadas dos discos da banda. Un resultado impresionante.

Vía: Adweek

A polémica chega a H&M

   Fai uns días a cadea de moda sueca admitiu que algunhas das modelos que saían na súa páxina web non eran reais, senón que foran creadas por ordenador.


   Hacan Andersson, portavoz da marca, admitiu que se fotografiaba a maniquís coa roupa posta e despois se retocaba mediante ordenador para conseguir a apariencia humana.

   
   Mentres a polémica se desata en medio mundo, e moitos acusan a H&M de promover unha imaxe do corpo feminino irreal, moi delgado e demasiado "perfecto", o portavoz da marca réstalle importancia explicando que é unha maneira de reducir os costes das caras sesións fotográficas e de que a roupa destaque por riba da modelo.


   Sexa como sexa, o debate está aberto...

O Sol trasládase a Bilbao

   O pasado día 2 de decembro resolveuse a incógnita en canto ó escenario do Festival Iberoamericano de Comunicación Publicitaria O Sol, que celebrará a súa 27ª edición en Bilbao.

   Como explicou Enric Pujadas nunha rolda de prensa, o festival precisaba revitalizarse e rexuvenecerse, polo que decidiron cambiar a súa ubicación. Despois dun longo proceso de selección da súa nova localización comunicaron que Bilbao é a cidade idónea polo seu dinamismo e vangardismo. Así, non é de extrañar que o cóctel de benvida se celebre no Guggenheim.

   Parece que polo de agora, ademais de disfrutar do festival, seguiremos degustando os pintxos!

vía: Marketing Directo

Mapping, a nova tendencia

   Se inundar a cidade de vallas, carteis, novos soportes, organizar flashmobs, etc, etc, etc, non era pouco para presentar un produto nun entorno urbán, agora chega unha nova tendencia: o mapping.
   
   O mapping consiste en proxectar sobre un edificio un video relacionado co produto a promocionar. Moitas veces estes videos interactúan coa arquitectura, creando efectos de movemento no edifio sobre o que se proxecta e xerando unha sensación 4D.

   

   Mapping nun edificio histórico de Dallas para a promoción do filme "The Tourist".

Mapping realizado o mes pasado en Londres para a presentación do novo Nokia Lumia 800, con DJ e festa incluída.

Pantonemanía!

Agora que se achega o Nadal e o intrínseco agobio que producen as compras, imos a darlle un repaso a algúns orixinais agasallos de deseño que se basean nas cores Pantone; un sistema de identificación da cor que se utiliza nas artes gráficas.

   Collede un lápiz, a carta ós Reis e apuntade:

Gomas de borrar

Pen drive

Carteiras

Bolas para a árbore de Nadal

Reloxos

Tazas

Bolsos

Cepillos de dentes

Funda para Iphone

Bicicleta

Cubo de Rubik

Rotuladores

Abanico

Báscula

Dende logo, hai moito onde escoller...

des-control!

Campaña para a marca de preservativos Control baseada en letras de cancións. Proxecto de master.

Tamén en Malanécora

Cartel para o Master en Dirección de Arte

Proxecto do Master. Cartel de promoción para xornal; a toda páxina en B/N.

Con máis calidade en malanécora.

A homenaxe de Saint Laurent

   A Fundación Mapfre recolle dende o 6 de outubro unha exposición sobre o famoso modisto Ives Saint Laurent, no que se atopan algunhas das creacións coas que o deseñador quixo render homenaxe a algúns dos artistas máis representativos do século pasado.

Deseños inspirados no popart de Andy Warhol

Homenaxe a Tom Wesselman (abaixo cunha das súas obras)

Homenaxe a Matisse

Vestido de noiva inspirado na obra "O paxaro e a súa sombra", de Georges Braque.

Autobombo

Marcapáxinas do blog, un bo proxecto para unha tarde de choiva.

Máis e mellor en: http://www.flickr.com/photos/malanecora/

Conrad Roset e as súas musas

   Conrad Roset é un ilustrador catalán que se inspira nas antigas musas gregas para a creación da maioría das súas obras.


Aínda que na súa web se presenta dunha maneira moi austera, cun parco 


"Hello, I'm Conrad Roset, freelance illustrator from Barcelona, Spain.
Currently work on a rage of projects for advertisement agencies, design studios and editorials
Also I'm a professor of illustration in the school of design BAU."

   se comezamos a investigar os seus traballos, veremos pezas para Adidas, Zara, Coca-Cola, Contrapunto, Caixa Forum, Hommu,  etc, etc, etc...

Deseño packaging Cruzcampo

Ilustración para camiseta de Zara

Gráfica para Adidas, con TBWA

   Pero, sen dúbida, o que máis chama a atención da súa obra son os debuxos das súas musas, realizados a centos: 

Aplicación como vinilo, en Hommu.

Oasis Loves U, vídeo promocional para o Hotel Oasis.