Ana Juan & New York

   Ana Juan é unha ilustradora que cando se licenciou en Belas Artes, alá por 1982, comezou a colaborar con revistas como La Luna de Madrid e Madriz, debuxando historietas en branco e negro cun certo aire expresionista.
   O seu salto á fama chegou en 1995, cando lle encargaron a súa primeira portada da revista The New Yorker. 

  Esta valenciana, que en 2010 recibiu o Premio Nacional de Ilustración, xa leva 18 portadas publicadas, superando así a outros mitos como Mariscal ou Max. 

   Portada para o 10º aniversario do 11-S, moi similar á que fixera en 2001 Art Spiegelman (autor de Maus), que foi toda unha lección de sobriedade e deseño.

  Pese a todos estes recoñecementos, Ana Juan segue vivindo en Madrid, onde ten o seu propio estudo de deseño e ilustración, e afirma que ten colgadas as 18 portadas desta publicación no seu baño...

Arte e Publicidade: acordos e desacordos

   A principios de 1991 a exposición Art&Pub chegou ó  Centro Pompidou de París, onde unha mostra de máis de mil obras exemplificaban cen anos de convivencia entre arte e publicidade, plantexando unha pregunta:

¿Que relación manteñen?

“O nexo entre estas dúas disciplinas atópase na creación: a busca e encontro dunha idea que conxugue persuasión e beleza”

José mª Ricarte

   Históricamente existen unha serie de autores que compartiron ambas disciplinas: Rodchenko, Chèret ou Toulouse-Lautrec; que impulsaron o nacemento do cartel artístico, moi de auxe na década dos 80.

   Así, nunn primeiro achegamento pódese dicir que o arte serviu como musa á publicidade, aportándolle temas, recursos de composición e de expresión, e conseguindo así unhas mensaxes máis seductoras e persuasivas.

ACORDOS

• O arte creou dende os seus inicios un código iconográfico e simbólico que na actualidade é coñecido de maneira popular, e que a publicidade adapta ás súas necesidades comunicativas.

A persistencia da memoria, de Dalí, e campaña do Mirador del Alto, Chile.

• O proceso de creación publicitario pódese comparar ó artístico, en canto que os dous perseguen unha harmonía entre a efectividade e a beleza. O arte busca a beleza á hora de transmitir unha mensaxe, mentres que a publicidade busca a persuasión por medio da beleza para transmitir unha mensaxe ó espectador.

   “non son os pintores senón os espectadores quen fai os cadros” Marcel  Duchamp

DESACORDOS

• A diferencia máis básica entre estas dúas disciplinas é que a publicidade concive a creatividade como unha habilidade, mentres que o arte a asume como un acto de inspiración.

A Marilyn de Warhol e campaña de Ray-Ban

• A necesidade de funcionalidade da publicidade non é primordial para o arte, como tampouco o é persuadir nin seducir ó público.

• A idea primordial da publicidade é vender, mentres que o arte mostra interpretacións do mundo, de ideas, sentimentos,...  

Frida Khalo, fotografiada para Vogue París e campaña de Jean Paul Gaultier en 2006

• O arte busca a vangarda, a renovación continua, mentres a publicidade debe utilizar uns esquemas figurativos que entenda unha maioría significativa de consumidores.

A gran onda de Kanagawa, de Katsushika Hokusai, e valla de Levi´s para unha campaña en 2006.

Polo tanto, pódese concluír que a publicidade recolle os recursos empregados polo arte para adaptalos ós seus propios intereses. Así, consegue a comprensión da imaxe por parte do espectador ó mesmo tempo que o seduce cunha simboloxía popular e o persuade.

Bienvenue!

"Gústame que o deseño sexa semánticamente correcto, sintácticamente consistente e pragmáticamente comprensible. Gústame que sexa visualmente poderoso, intelectualmente elegante e que perdure."

Massimo Vignelli.

Pinta & colorea ó teu gusto sobre ás tendencias e referentes en deseño, publicidade, arte e creatividade.

Un espazo para compartir ideas e mostrar traballos.

Un espazo para descubrir novas maneiras de usar vellas ferramentas.

Un espazo para deixar de pensar coa cabeza e comezar a facelo cos pés.

Benvidos a todos!

Bienvenue!